Биография
Хамитни джашы Борис 1943 джылда СССР-ни Къарачай Автоном областыны Учкулан элинде туугъанды.
Ноябрны 2-де 1943-чю джыл къарачайлыланы Ата Джуртларындан Орта Азиягъа кёчюргендиле, ызларына къайытыргъа эркинликлери болмай. Гитче Борисге ол заманда 2 ай бола эди. Мал, товар ташыучу вагонлада кёб заманны инджилиб, кёб тюрлю къыйыллыкъладан ётгенден сора аны юйдегиси: анасы, Джанибекланы Балдаш Гергокайны къызы, уллу эгечи Музалифа бла аны къарт анасы Байрамукъланы Гитче Джамбулатны къызы Къазахстанда Арысь посёлокгъа тюшедиле.
Ноябрны 2-де 1943-чю джыл къарачайлыланы Ата Джуртларындан Орта Азиягъа кёчюргендиле, ызларына къайытыргъа эркинликлери болмай. Гитче Борисге ол заманда 2 ай бола эди. Мал, товар ташыучу вагонлада кёб заманны инджилиб, кёб тюрлю къыйыллыкъладан ётгенден сора аны юйдегиси: анасы, Джанибекланы Балдаш Гергокайны къызы, уллу эгечи Музалифа бла аны къарт анасы Байрамукъланы Гитче Джамбулатны къызы Къазахстанда Арысь посёлокгъа тюшедиле.
Борисни атасы Къобаланы Хамит Ильясны джашы мал тутханды. Кёчгюнчюлюкню кезиуюнде, ол кюн огъунакъ 1943 джылны 2-чи ноябрында тутулуб, кечирек политика статьягъа кёре сюд этилгенди. 1944 джылны 11-чи июлда Къобаланы Хамит, СССР-ни Ярославль областыны Рыбинск шахарында Волга тюзетиу-урунуу лагерни больницасында ачдан, ауруудан ёлюб, башха ёлгенле бла къабырлада асыралгъанды. Аны юсюнден РФ-ни архивлеринден хапар соруулаб, излеб айлангандан сора кёб джылла ётгенден сора белгили болгъанды.
Джазыуу алай болгъанды, Хамитни джашы Борис атасын танымай, джангыз сабий болуб ёсгенди, эгечи Музалифа кёчгюнчюлюкде 8 джылында ауушхандан сора.
1944 джылда Борисни анасы Джанибекланы Балдаш, джууукълары Къыргъыз ССР-ни Нижнечуйское элине тюшгенлерин билиб, кесине бир да сагъыш этмей, Арысядан сабийлери бла къайын анасы бла алагъа кетгенди. Балдаш джуукълары бла бирлешиб, ёлгюнчюне дери Нижнечуйское элде джашагъанды. Эрини юсюнден бир хапары да болмагъанлай, ол 1972 джыл ауушханды. Алай а ол кесини джашыны биринчи академия эмда профессионал джетишимлерин, аны юйдегили болгъанын кёргенди, кесини биринчи туудукъларын къолуна да алгъанды. Нижнечуйское элни къабырларында асыралгъанды.
1944 джылда Борисни анасы Джанибекланы Балдаш, джууукълары Къыргъыз ССР-ни Нижнечуйское элине тюшгенлерин билиб, кесине бир да сагъыш этмей, Арысядан сабийлери бла къайын анасы бла алагъа кетгенди. Балдаш джуукълары бла бирлешиб, ёлгюнчюне дери Нижнечуйское элде джашагъанды. Эрини юсюнден бир хапары да болмагъанлай, ол 1972 джыл ауушханды. Алай а ол кесини джашыны биринчи академия эмда профессионал джетишимлерин, аны юйдегили болгъанын кёргенди, кесини биринчи туудукъларын къолуна да алгъанды. Нижнечуйское элни къабырларында асыралгъанды.
Къобаланы Борис Нижнечуйское элни орта школун бошаб Фрунзе шахарны Политехника институтуна киргенди. Анда ол биринчи кере кесини келир юй бийчесин Дудаланы Фаризатны Алийни къызын кёргенди, ол строительный факультетде окъуй эди. Алай а, бир джыл окъугъандан сора, Борис окъуу джолун тюрлендирирге оноу этгенди да, 1962 джыл Къыргъыз Кърал Университетни тыш къраллы тиллени факультетине киргенди, аны 1967 джыл «Филолог, ингилиз тилни устазы» («Филолог, преподаватель английского языка») деген квалификация бла бошагъанды. 1974 джылда Къобаланы Борис экинчи баш окъууну ол Вузда бошаб «Планирование промышленности» деген усталыкъ да алгъанды. 1967 джылдан бери аны джашауу бла карьерасы аны alma mater бла къысха байламлы болгъандыла. Къыргъыз къырал университетни устазы, тамада устазы, кафедрасыны тамадасы, деканы, проректору болуб ишлегенди.
«Отличник народного образования» ("Халкъ окъууну Апери") эмда «Заслуженный работник образования Кыргызской Республики» («Къыргъыз Республиканы билим бериуню Махтаулу къуллукъчусу») деген атла да берилгендиле.
1983 джылда Къобаланы Борис Алма-Атаны халкъ мюлк институтунда кандидат диссертациясын къоруулагъанды, 1999 джылда уа Къазах кърал Аль-Фараби атлы университетде доктор диссертациясын къоруулагъанындан сора, анда анга экономика илмуланы доктору дараджа берилгенди.
1983 джылда Къобаланы Борис Алма-Атаны халкъ мюлк институтунда кандидат диссертациясын къоруулагъанды, 1999 джылда уа Къазах кърал Аль-Фараби атлы университетде доктор диссертациясын къоруулагъанындан сора, анда анга экономика илмуланы доктору дараджа берилгенди.
1992-чи джылдан 2003-чю джылгъа дери Къыргъыз Миллет Университетни кадрланы джангыдан хазырлау бла усталыкъларын ёсдюрюуню Институтуну Директору болуб тургъанды.
Тюрлю-тюрлю джыллада, 1998 джылдан башлаб, илму конференциялагъа къошулуб, Францияны, Японияны, Италияны, Чехияны, АБШ-ны (США), Таиландны, Германияны вузларында лекцияланы окъугъанды.
2009 джылны февраль айындан 2011 джылны 19-чу майына дери Къыргъыз Республиканы билим бериу эм илму министрини биринчи орунбасары къуллукъну алгъанды.
Тюрлю-тюрлю джыллада, 1998 джылдан башлаб, илму конференциялагъа къошулуб, Францияны, Японияны, Италияны, Чехияны, АБШ-ны (США), Таиландны, Германияны вузларында лекцияланы окъугъанды.
2009 джылны февраль айындан 2011 джылны 19-чу майына дери Къыргъыз Республиканы билим бериу эм илму министрини биринчи орунбасары къуллукъну алгъанды.
2014 джылдан бери халкъла аралы илмула, билим бериу, промышленность эм искусство академияны члени, Калифорния, АБШ (США).
2003 джылда Хамитни джашы Борис кесини ВУЗун къурауну юсюнден бегим алгъаны бла билим бериуде бусагъатдагъы информация технологияланы Институтун (ИСИТО) къурагъанды, ол бусагъатда Къыргъыз Республиканы эм уллу ВУЗуду. Ол ёлгюнчю ИСИТОну баш къураучусу эм да ректору болуб тургъанды.
2003 джылда Хамитни джашы Борис кесини ВУЗун къурауну юсюнден бегим алгъаны бла билим бериуде бусагъатдагъы информация технологияланы Институтун (ИСИТО) къурагъанды, ол бусагъатда Къыргъыз Республиканы эм уллу ВУЗуду. Ол ёлгюнчю ИСИТОну баш къураучусу эм да ректору болуб тургъанды.
Билим бериу джаны бла ишлеген кезиуюнде Хамитни джашы Борис кесин фахмулу эм билимли башчы, мийик класслы профессионал, уллу джюрекли мийик интеллектуал адамча кёргюзтгенди. Аны иши тюрлю-тюрлю къраллада эмда организациялада эм мийик дараджада танылгъанды (толуракъ "Саугъаланы" бёлюмюнде).
1967 джылда Къобаланы Борис бла Дудаланы Фаризат юйдеги къурагъандыла. Ала алты сабий ёстюргендиле. Алийни къызы Фаризат Фрунзе Политехника Институтну 1966 джылда бошагъанды, «Инженер-строитель» квалификациясы бла эмда металл конструкцияланы кафедрасында устаз болуб 1977 джылгъа дери ишлегенди. Фрунзе шахарда «Россия» кинотеатрны мекямыны проектине къошулгъанды. Эки кере I эмда II дараджалы «Аналыкъ медаль» бла саугъаланнганды. Битеу джашауун юйдегисине эмда сабийлерине джоралагъанды, эрин да иш джаны бла ёсюуюнде джакълай.
1994 джылда юйню абадан джашын Энверни бушуулу тас этгендиле.
Алийни къызы Фаризат 2025 джылда 14 январда 84 джылында ёлгенди.
1994 джылда юйню абадан джашын Энверни бушуулу тас этгендиле.
Алийни къызы Фаризат 2025 джылда 14 январда 84 джылында ёлгенди.
Джарлылыкъны, ачлыкъны, геноцидни, кёчгюнчюлюкню кёрюб, джууукъ адамларын да тас этиб эмда бютеу эркинликлерин сыйырыуну сынаб, Къобаланы Борис Хамитни джашы кесини джарыкълыгъын, мардасыз ишине сюймеклигин, адамлагъа ачыкъ сюймеклигин эмда джумушакълыгъын сакълагъанды.
Аны биреуню къыйынлыгъына джюреги къайгъырыб къарагъаны адамланы эслеринде ёмюрге къаллыкъды.
Хамитни джашы Борис 2023-чю джыл октябрны 4-де 80 джылында ауушханды.
Жатхан жери эркин болсун. Аллах жаннет берсин.
Ол дуниясы жарыкъ болсун.
